"ალიანსი საქართველოსთვის" წარმომადგენელი მურმან დუმბაძე აჭარის ავტონომიური რესპუბლიკის მთავრობის თავმჯდომარეს, ლევან ვარშალომიძეს, ახალშენის ცენტრში განთავსებულ, მემედ აბაშიძის ძეგლის რეკონსტრუქციას სთხოვს.
მურმან დუმბაძემ სპეციალური განცხადება დღეს ძეგლთან გამართულ პრესკონფერენციაზე გააკეთა და ლევან ვარშალომიძეს საზოგადო მოღვაწის ძეგლისთვის ყურადღების მიქცევა სთხოვა.
სოფელში მემედ აბაშიძის ძეგლი 1999 წლიდან დგას.
დღესვე მურმან დუმბაძემ მედიას ახალშენში მაჟორიტარი დეპუტატობის კანდიდატი მერაბ ნაგერვაძე წარუდგინა. პროფესიით ეკონომისტ მაჟორიტარი დეპუტატობის კანდიდატს პოლიტიკაში მოღვაწეობის 6-წლიანი გამოცდილება აქვს.