თაღლითობა, ყალბი დოკუმენტების დამზადება, ქრთამის მიცემა-აღება, სამსახურებრივი უფლებამოსილების ბოროტად გამოყენება - კანონპროექტი, რომელიც ამ დანაშაულების ამნისტირებას გულისხმობს, დღეს პირველი მოსმენით განიხილება იურიდიულ საკითხთა კომიტეტში.
ამნისტია შეეხებათ იმ პირებს, რომლებმაც ეს დანაშაული 2009 წლის პირველ იანვრამდე ჩაიდინეს.
საუბარია საქართველოს მოქალაქის პირადობის, პასპორტისა და სხვა მსგავსი საბუთების მართლსაწინააღმდეგო მისაკუთრებასა და განადგურებაზე.
სხდომაზე დღეს ასევე განიხილება სამოქალაქო კოდექსში შესატანი ცვლილებები, რომლის მიხედვითაც 16 წელს მიღწეული პირის ქორწინებაზე თანხმობის გაცემის უფლება აღარ ექნებათ მშობლებსა და მზრუნველებს, ეს საკითხი მხოლოდ სასამართლოს კომპეტენცია იქნება.
