მოწოდებას იმის თაობაზე, რომ პოლიტიკურიმა პარტიებმა ვიზალიბერალიზაციის თაობაზე ერთობლივი მიმართვა გააკეთონ, „ერთიანი ნაციონალური მოძრაობა“ უერთდება. როგორც პარტიის ერთ-ერთი ლიდერი გიორგი გაბაშვილი აღნიშნავს, ენმ ამ განცხადებას რეზოლუციის ფორმით პარლამენტშიც შეიტანს.
„ჩვენ მთლიანად ვიზიარებთ ამ განცხდებას, იმიტომ რომ ესაა ფართო კონსესუსის საგანი, ქართველი ხალხი იმსახურებს ევროპასთან ვიზების ლიბერალიზაციას. ესაა საკითხი, რომელზეც ჩვენ წლებია ვმუშაობთ და ესაა ქართველი ხალხის დამსახურება და არა დღევანდელი მთავრობის. ესაა ზეპარტიული საკითხი და უფრო მეტიც, ჩვენ არამხოლოდ ვიზიარებთ და ვუერთდებით ამ განცხადებას, არამედ მას რეზოლუციის ფორმით პარლამენტში შევიტანთ“, - განაცხადა გაბაშვილმა.
