ჩოხატაურის მუნიციპალიტეტის საკრებულოს თავმჯდომარის, ზაალ მამალაძის ოჯახის დაყაჩაღების ფაქტზე გამოძიება მიმდინარეობს. შსს-ში აცხადებენ, რომ გამოძიება საქართველოს სისხლის სამართლის კოდექსის 179-ე მუხლით დაიწყო, რაც ყაჩაღობას ითვალისწინებს.
შეგახსენებთ, გუშინ, ზაალ მამალაძის ოჯახი შეიარაღებულმა პირებმა დააყაჩაღეს. გავრცელებული ინფორმაციით, ყაჩაღებმა წაიყვანეს მამალაძის კუთვნილი ავტომანქანა და წაიღეს 800 ლარი.
