საქართველოს ყველა მოქალაქეზე, რომლებიც სირიაში საბრძოლველად არიან წასული, სისხლისსამართლებრივი დევნაა დაწყებული, - ამის შესახებ სახელმწიფო უსაფრთხოების სამსახურის უფროსის მოადგილემ ლევან იზორიამ როგორც მან ტელეკომპანია „იმედის“ გადაცემა „პოლიტიკაში” განაცხადა.
მისივე თქმით, თუ პოტენციურად საფრთხის მატარებელი სირიაში საბრძოლველად წასვლას გადაწყვეტს, მტკიცებულებების არსებობის შემთხევავში, მისი დაკავებაა შესაძლებელი.
”სადაც გვაქვს კონკრეტული მტკიცებულებები, სისხლისსამართლებრივი დევნაა დაწყებული”, - განაცხადა იზორიამ.
„პრევენციულ ჭრილში, ალბათობის უფრო დაბალი ხარისხით, მაგრამ მაინც, როდესაც გაქვს ეჭვი, რომ მოქალაქე უცხოეთში ტერორისტული მიზნებისთვის მიემგზავრება, კონკრეტულ ქვეყანას ატყობინებ და არდაშვების პრინციპი მოქმედებს. არ გვაქვს კანონმდებლობა, რომელიც ჩვენს მოქალაქეებს საქართველოდან გასვლას აუკრძალავს“, - აღნიშნა სუს-ის უფროსის მოადგილემ.
