,,ნაციონალური მოძრაობა“ პენსიების ზრდასთან დაკავშირებით სიახლეს ეხმაურება. როგორც პარტიის ერთ-ერთმა ლიდერმა დავით ბაქრაძემ განაცხადა, ენმ-მ აიძულა მთავრობა მომავალი წლის ბიუჯეტში პენსიების ნაწილობრივი ზრდა გაეთვალისწინებინა.
„ერთი თვის წინ ნაციონალურმა მოძრაობამ ჩვენ პენსიონერებთან ერთად დაიწყო კამპანია ქვეყანაში პენსიის 50 ლარიანი მატების შესახებ. დღეს ჩვენ ვიხილეთ ამ კამპანიის პირველი შედეგი, როდესაც ვაიძულეთ მთავრობა გაეთვალისწინებინა მომავალი წლის ბიუჯეტში პენსიების ნაწილობრივი ზრდა. რატომ ვამბობ, ვაიძულეთ? იმიტომ, რომ მთელი ამ პერიოდის განმავლობაში მთავრობისგან გვესმოდა, რომ პენსიის ზრდა არის პოპულიზმი და ამის რესურსი არ არსებობს. იმიტომ, რომ ბიუჯეტი უკვე ორჯერ იყო შემოტანილი პარლამენტში და არცერთ პროექტში არ იყო არცერთი თეთრი პენსიების ზრდისთვის. 20 ლარით რომ იზრდება, პენსიები ნიშნავს იმას, რომ ჩვენმა აქტივობამ გამოიღო შედეგი“, -განაცხადა დავით ბაქარაძემ და დასძინა, რომ კამპანია პენსიების ზრდის შესახებ არ შეჩერდება, რადგან წინ არის უმძიმესი ზამთარი და არავინ იცის როგორ მოიმატებს ფასები მედიკამენტებსა და პროდუქტებზე, ან როგორ შეიცვლება ლარის კურსი დოლართან მიმართებაში.
