მთავარი პროკურორობის კანდიდატის, ირაკლი შოთაძის ინფორმაციით, უკრაინულ საიტზე, წამების ამსახველი კადრების ამტვირთავის ვინაობაზე უკრაინის სამართალდამცავი ორგანოებიდან ინფორმაცია მიღებული არ არის.
პარლამენტის ორი კომიტეტის გაერთიანებულ სხდომაზე, ამ საკითხზე კითხვებით შოთაძეს ფრაქცია „ქართული ოცნების“ თავმჯდომარემ, გია ვოლსკიმ მიმართა.
შოთაძის შეფასებით, საზარელი კადრები გავრცელდა, რაც სამწუხარო ფაქტია.
„ეს ძალადობრივი კადრები რეალურად ერთი სისხლის სამართლის ნაწილია. საუბარია ე.წ. კასრების სისხლის სამართლის სამქეებზე. მეგის ქარდავამ და კახა თოდუამ ორი პიროვნების მიმართ წამება მოახდინეს, რათა მათ არარსებული ტეროტისტული აქტის მომზადება ეღიარებინათ. ეს მათ დროს აპრობირებული მეთოდი იყო. პასუხისგებაშია მიცემული 11 ადამიანი. ბრალდება იყო, თითქოს, ამ კადრებს ჩვენ ვინახავთ, მაგრამ ეს კადრები სისხლის სამართლის საქმეებზე მტკიცებულეების სახით იყო დართული. ვის მიერ მოხდა ამ კადრების ატვირთვა, ეს პასუხის მიღებული არ არის. ერთადერთი რესურსი საიდან მოხდა ამ კადრების ატვირთვა, უკრაინის სამართალდამცავ ორგანოშია“, - განაცხადა შოთაძემ.
