მთავარი პროკურორობის კანდიდატის, ირაკლი შოთაძის განცხადებით, მთავარი პროკურატურის ერთ-ერთი პრიორიტეტი ე.წ. სამართლაინობის აღდგენის პროცესის ბოლომდე გაგრძელებაა.
პარლამენტის კომიტეტების გაერთიანებულ სხდომაზე შოთაძემ მთავარ პროკურატურაში შექმნილ იმ დეპარტამენტზე ისაუბრა, რომელიც ქონების უკანონო ჩამორთმევაზე მუშაობს.
შოთაძის თქმით, ე.წ. სამართლიანობის აღდგენის პროცესი მაქსიმალურად უნდა გაძლიერდეს და უწყებამ დიდი ძალისხმევა უნდა გამოიჩინოს.
„დეპარტამენტი შეიქმნა, რომელიც ორიენტირებულაი იმ საჩივარ-განცხადებებზე, რომელიც მომხდარია 2012 წლამდე და შემოსულია ათასობით განცადება საჩივარი. ახალი დეპარტამენტის მიერ ქონების ჩამორთმევის თაობაზე დაზარალებულად ცნობილია 24 მოქალაქე, რომელთაც მთავრობის მიერ დაუბრუნდათ ქონება. ქონების დაბრუნება აქტიურად მიმდინარეობს და მას შეუქცევადი ხასიათი ექნება. ვისაც მომართული აქვს პროკურატურისთვის, შეიძლება, ის ჩვენი ტემპით უკმაყოფილო იყოს, მაგრამ ყველამ უნდა გაიაზროს ის ფაქტი, რომ გამოძიება მიმდინარეობს და მტკიცებულებები მოსაგროვებელია, ეს კი დროს საჭიროებს. პროკურატურა გეგმავს მუშაობის გაგრძელებას და თითოეულ საჩივარ-განცხადებაზე ეფექტური რეაგირება მოხდება“, - განაცხადა შოთაძემ.
შოთაძე ფიქრობს, რომ აღნიშნული დეპარტამენტის რიცხოვნობის გაზრდა უნდა მოხდეს.
„ამის რესურსი არსებობს და ამ მიმართულებით აქტიურ მუშაობს ვაპირებ. ჩვენს პრიორიტეტს წარმოადგენს არა მხოლოდ ქონების დაბრუნება, არამედ ძალადობრივი ქმედებების - მკლელობის, ძალადობის გამოძიება“, - დასძინა შოთაძემ.
