რეინტეგრაციის საკითხებში სახელმწიფო მინისტრის თემურ იაკობაშვილის განცხადებით, მამისონის უღელტეხილზე რუსების საგუშაგოს გახსნა ბუნებრივი პირობების გამო შეუძლებელია.
"ჩემი ინფორმაციით, მამისონის უღელტეხილზე ისეთი თოვლია, რომ იქ ასვლა ვერ ხერხდება. თუ რუსებმა ალპინისტები გააგზავნეს ან სპეცტექნიკით ავიდნენ არ ვიცი, თუმცა ეს ნაკლებსავარაუდოა", - განუცხადა ჟურნალისტებს მთავრობის სხდომის დაწყების წინ იაკობაშვილმა.
რაც შეეხება რუსეთის ოფიციალური პირების მიერ გაკეთებულ განცხადებას, რომ მამისონზე მეტეოროლოგიური სადგური დაიკავეს, იაკობაშვილი მას "სისულელეს" უწოდებს და განმარტავს, რომ "მათგან მსგავსი სულელური განცხადებები არაერთხელ მოუსმენია".
