აშშ-ის პრეზიდენტმა დონალდ ტრამპმა განაცხადა, რომ ის არ აპირებს უკრაინისთვის უსაფრთხოების გარანტიების მიცემას. მისივე თქმით, უკრაინას უსაფრთხოების ძირითადი გარანტიები ევროპის ქვეყნებმა უნდა მისცენ.
„ჩვენ ევროპას მოვთხოვთ ამის გაკეთებას, რადგან ჩვენ ვსაუბრობთ ევროპაზე, რომელიც მათი უახლოესი მეზობელია. მაგრამ ჩვენ ყველაფერს გავაკეთებთ იმისათვის, რომ ყველაფერი კარგად წავიდეს“, - თქვა მან.
ამერიკის პრეზიდენტმა ასევე აღნიშნა, რომ შეერთებული შტატები უკრაინასთან ხელს მოაწერს შეთანხმებას იშვიათი მინერალების შესახებ, რაც „უკრაინისთვისაც შესანიშნავი შეთანხმებაა“.
„ეს შეთანხმება უკრაინისთვისაც შესანიშნავია, რადგან იქ ვიმუშავებთ, ადგილზე ვიქნებით და ამ მხრივ გარკვეულწილად ავტომატური უსაფრთხოების გარანტიაა, რადგან ჩვენს ხალხს ცუდად არავინ მოეპყრობა“- აღნიშნა ამერიკის პრეზიდენტმა.
მისი აზრით, ევროპა "ამას ძალიან ყურადღებით დააკვირდება".
„მე ვიცი, რომ ბრიტანეთმა და საფრანგეთმა განაცხადეს, რომ ისინი... შეთანხმდნენ ე.წ. სამშვიდობოებზე ადგილზე[(უკრაინაში] და ვფიქრობ, რომ ეს კარგია“, - თქვა ტრამპმა.
