უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა 28 თებერვალს შეერთებულ შტატებთან მოლაპარაკებებისთვის ემზადება.
„დღეს ძალიან ბევრი საერთაშორისო სამუშაო იყო.
ჩვენი გუნდები მუშაობენ ამერიკასთან, ვემზადებით მოლაპარაკებებისთვის ამ პარასკევს. შეთანხმება ამერიკასთან. ჩვენი სახელმწიფოს და ხალხის მხარდაჭერა.
მშვიდობისა და უსაფრთხოების გარანტიები არის გასაღები იმისა, რომ რუსეთმა აღარ გაანადგუროს სხვა ხალხის სიცოცხლე. მე შევხვდები პრეზიდენტ ტრამპს. ჩემთვის და ყველა ჩვენგანისთვის მსოფლიოში მნიშვნელოვანია, რომ ამერიკის დახმარება არ შეწყდეს. მშვიდობის გზაზე ძალაა საჭირო“, - განაცხადა ზელენსკიმ.
ზელენსკიმ აღნიშბა, რომ მისი გუნდი აანალიზებს თითოეული პარტნიორის მხარდაჭერის მოცულობას.
„ჩვენ ვმუშაობთ, რომ უკრაინის პოზიციები ნებისმიერ შემთხვევაში იყოს დაცული. და ეს არის ერთ-ერთი მთავარი პირობა დიპლომატიისთვის, რომელიც ჩვენ გვჭირდება - სწორი დიპლომატიის, რომელიც უკრაინის მშვიდობის გარანტი იქნება“, - აღნიშნა უკრაინის პრეზიდენტმა.
