პოლიციის საქმიანობით მოსახლეობის 44% კმაყოფილია. ამის შესახებ ნათქვამია ეროვნულ დემოკრატიული ინსტიტუტის მიერ გამოქვეყნებულ კვლევაში. გამოკითხვაში მონაწილე 4,448 რესპოდენტიდან 44 % აცხადებს, რომ ის კმაყოფილია პოლიციის საქმიანობით.
რესპოდენტების 30% მიუთითებს, რომ პოლიციის საქმიანობით ”არც კმაყოფილია და არც უკმაყოფილო”, 19%-მა კითხვაზე უპასუხა - ”არ ვიცი”, ხოლო რესპოდენტების 6%-მა განაცხადა, რომ უკმაყოფილოა პოლიციის საქმიანობით.
NDI-ის კვლევის საველე სამუშაოები 8 აგვისტო-10 სექტემბრის პერიოდში ჩატარდა. საქართველოს მასშტაბით, გამოიკითხა 4,448 ადამიანი. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.
