აუდიტის სამსახური დედაქალაქის მერიაში შემავალი სხვადასხვა უწყების შემოწმებას ახორციელებს, - ამის შესახებ ჟურნალისტებს გენერალურმა აუდიტორმა ლაშა თორდიამ განუცხადა.
მისი თქმით, ამჟამად შემოწმება ხორციელდება თბილისის მერიაში შემავალ ძალიან ბევრ სამსახურში, მათ შორის კეთილმოწყობის სამსახურში, თბილისის მერიის ადმინისტრაციაში, ასევე სამგორისა და გლდანის გამგეობებში.
ლასა თორდია აცხადებს ასევე, რომ ახლახან გამოქვეყნდა დასკვნა საკრებულოსთან დაკავშირებით, სადაც საუბარი იყო არა ერთ დარღვევაზე.
,,შეიძლება კიდევ ვიფიქროთ მერიაში შემავალი სხვა ბევრი სამსახურის შემოწმებაზე, ვინაიდან მერია ბევრ სამსახურსა და სტრუქტურას შეიცავს", - განაცხადა ლაშა თორდიამ.
და დასძინა, რომ დაახლოებით 2-3 კვირის ფარგლებში, ეტაპობრივად მოხდება დასკვნების დადება მიმდინარე შემოწმების შესახებ.
