თბილისში, ელიავას ბაზრობის მიმდებარე ტერიტორიაზე, ორი წლის ბავშვი მეოთხე სართულიდან გადმოვარდა. დაშავებული სასწრაფო დახმარების ბრიგადამ საავადმყოფოში გადაიყვანა.
არსებული ინფორმაციით, ბავშვის ჯანმრთელობის მდგომარეობა მძიმეა. როგორც ,,ჯი-ეიჩ-ენს ” შსს-ში განუცხადეს, მომხდართან დაკავშირებით გამოძიება სსსკ-ის 124 -ე მუხლით მიმდინარეობს, რაც გაუფრთხილებლობით ჯანმრთელობის მძიმე, ან ნაკლებად მძიმე დაზიანებას გულისხმობს.
