ხვალ, 27 აპრილს, 14:00 საათზე, "ეროვნული ფორუმი" ჩოხატაურში რაიონულ ორგანიზაციას დააფუძნებს. დამფუძნებელი კონფერენცია ჩოხატაურის საავადმყოფოს მიმდებარე ტერიტორიაზე არსებულ დარბაზში ჩატარდება.
მას პარტიის პოლიტსაბჭოს წევრები: რევაზ შავიშვილი, გუბაზ სანიკიძე და ნოდარ ჯავახიშვილი დაესწრებიან.
კონფერენციაზე მოხდება პარტიის ჩოხატაურის რაიონული ორგანიზაციის თავმჯდომარისა და ბიუროს არჩევა. თავმჯდომარის პოსტზე წარდგენილია თამაზ ჯინჭარაძე.