საქალაქო სასამართლოში დედაქალაქის ყოფილი მერის გიგი უგულავას პროცესი განახლდება.
სხდომაზე ,,თბილსერვისისა” და რიყის ეპიზოდის საქმეზე იმსჯელებენ, სადაც გაგრძელდება დაცვის მხარის მტკიცებულებათა გამოკვლევა. დაიკითხებიან მოწმეები.
შეგახსენებთ, რომ გამოძიების ინფორმაციით, 7 მილიონად გასხვისებული რიყის ტერიტორია მერიამ უკან 17 მილიონად გამოისყიდა.
რაც შეეხება ,,თბილსერვისის”, ეპიზოდს ამ საქმეზე გამოძიება უგულავას სახელმწიფოს კუთვნილი 5 მილიონი ლარის გაფლანგვას ედავება.
