ბათუმში 120 მილიონ დოლარზე მეტი ღირებულების პროექტი ხორციელდება. რეგიონის მთავრობის თავმჯდომარემ არჩილ ხაბაძემ ბათუმში ს. ჟღენტის ქ. #1-ში მშენებარე 5 ვარსკვლავიანი სასტუმრო და გასართობი კომპლექსის მიმდინარე სამუშაოები მოინახულა. მთავრობის თავმჯდომარეს პროექტის განვითარების ეტაპების შესახებ დამფუძნებელი კომპანიის წარმომადგენელმა საქართველოში გერმანე გოგლიჩიძემ და სასტუმრო კომპლექსის დირექტორმა გია აბულაძემ პირადად გააცნეს.
აღნიშნული კომპლექსი რეგიონში ყველაზე მსხვილი საინვესტიციო პროექტია, რომელსაც ახორციელებს ავსტრიული კომპანიის "GAB Resorts Holding and Development GmbH" შვილობილი კომპანია საქართველოში - შპს "GIMG".
2015 წლის 7 მარტის მდგომარეობით, პროექტში უკვე გახარჯულია 60 მლნ. აშშ დოლარზე მეტი ოდენობის ინვესტიცია.
სასტუმრო და გასართობი კომპლექსი დაყოფილია რამდენიმე ნაწილად და მოიცავს სასტუმრო კომპლექსს, გასართობ ცენტრს, მულტიპლექსი/სინემა ცენტრს, საცხოვრებელ კომპლექსს ,,Palm Apartment", ღია საცურაო აუზს და პავილიონს. ასევე, კომპლექსში განთავსდება სხვადასხვა ტიპის აბანოები და რეკრეაციული ზონა.
სასტუმრო და გასართობი კომპლექსი თავისი ინფრასტრუქტურით შავი ზღვისპირეთში არა მხოლოდ აქტიური დასვენებისა და რეკრეაციის საშუალებას, არამედ მასობრივი კულტურული ღონისძიებების - კონცერტების, ჩვენებებისა და მიღებების ღია ცის ქვეშ ჩატარების შესაძლებლობასაც იძლევა.
სასტუმრო კომპლექსისა და გასართობი ცენტრის დასრულება დაგეგმილია 2016 წელს. აღნიშნული კომპლექსის მართვასა და მომსახურებაში დასაქმდება ასეულობით ადამიანი. ბათუმს შეემატება მძლავრი ტურისტული და ეკონომიკური პოტენციალის მქონე კომპლექსი.
აღსანიშნავიამ რომ დანონსებული იყო, რომ აღნიშნულ შენობაში Kempinski-ის ბრენდის სასტუმრო უნდა განთავსებულიყო. როგორც ”საერთაშორისო გამჭვირვალობა - საქართველოს" ანგარიშშია აღნიშნული, ინვესტირს Kempinski-ის, ბრენდის სასტუმროის განთავსების ვალდებულება ხელშეკრულებით ნაკისრი არ აქვს და, რომ ამ ბრენდის სასტუმროს მშენებლობის შესახებ ცნობილი პოლიტიკოსთა საჯარო განცხადებებიდან გახდა;
”საერთაშორისო გამჭვირვალობა - საქართველოს" ანგარიშში, რომელიც 2015 წლის 17 თებერვალს გამოქვეყნდა წერია, რომ „კემპინსკად" წოდებული სასტუმრო, რომლის მშენებლობა ბათუმის საფეხბურთო სტადიონის (ს/კ 05.01.02.011) ტერიტორიაზე 2009 წლის ბოლოს უნდა დასრულებულიყო, ამ დრომდე დაუმთავრებელია. ობიექტი 2006 წლის ოქტომბერში, 2 მილიონი დოლარად გასხვისდა აჭარის ფინანსთა და ეკონომიკის სამინისტროს მიერ. მყიდველმა კომპანია GIMG-მ (ს/კ 245549394) აიღო ვალდებულება, რომ განახორციელებდა ოცდათხუთმეტი მილიონი დოლარის ინვესტიციას და დაასაქმებდა საქართველოს 500 მოქალაქეს. ნასყიდობის ხელშეკრულების თანახმად, არც შპს GIMG-ს აქვს აღებული ოფიციალური ვალდებულება ამ შენობაში Kempinski-ს ბრენდის სასტუმრო განათავსოს.
აჭარის ფინანსთა და ეკონომიკის სამინისტროსა და GIMG-ს შორის გაფორმებულ ხელშეკრულებაში ბოლო ცვლილება 2014 წლის 4 ივლისს შევიდა. ცვლილებების მიხედვით, მშენებლობის დასრულების ვადად 2016 წლის 30 ივნისი განისაზღვრა. ამ დროისთვის კომპანიამ სასტუმროს კომპლექსი, ბიზნესცენტრი, საცხოვრებელი კომპლექსის ორი ბლოკის, გასართობი ცენტრის და მულტიპლექსის ფუნქციონირება უნდა უზრუნველყოს. კომპანია GIMG-ს 100% წილის მფლობელი ავსტრიაში რეგისტრირებული შეზღუდული პასუხისმგებლობის საზოგადოება GAB-Resort-ია”.
