ტელევიზიების სურვილი, რაც შეიძლება მეტი გამოიმუშაონ რეკლამაზე, გასაგებია, თუმცა მათ არ უნდა გადააჭარბონ. ამის შესახებ რუსეთის პრეზიდენტმა მედიაფორუმზე განაცხადა. "ეს ცნობილი პრობლემაა. სამწუხაროდ, ტელევიზორს იშვიათად ვუყურებ, მაგრამ როდესაც ტელევიზორს ვრთავ და სარეკლამო ბლოკით წყდება გადაცემა, ხმამაღლა არ ვიტყვი, ამ დროს რას ვფიქრობ. ამაში, ალბათ, რუსეთის მოსახლეობის დიდი ნაწილი მეთანხმება. რეკლამა, რა თქმა უნდა, უნდა იყოს, მაგრამ ეს საკითხი აუცილებლად უნდა დარეგულირდეს,"-აღნიშნა პუტინმა.
