აზიის ქალაქი-სახელმწიფო სინგაპური, მსოფლიოს ყველაზე ძვირადღირებული ქალაქის ტიტულს უკვე მეორე წელია კვლავ აქტიურად ინარჩუნებს, აღნიშნულია Economist Intelligence Unit-ის (EIU) ანგარიშში.
კვლევამ აჩვენა, რომ მსოფლიოს ყველაზე ძვირადღირებული ქალაქების ხუთეულში, ქალაქების ჩამონათვალი ისევ უცვლელი დარჩა.
რეიტინგის მიხედვით, ”TOP-5” ყველაზე ძვირადღირებული ქალაქების ნუსხა ასე გადანაწილდა: სინგაპური, პარიზი, ოსლო, ციურიხი და სიდნეი.
EIU-ში აცხადებენ, რომ იშვიათი შემთხვევაა, როდესაც ”დიდი ხუთეულის” შემადგენლობა გასული წლის მსგავსად იდენტური დარჩა.
მელბრუნი ამ რეიტინგში მეექვსე პოზიციას დასჯერდა, ხოლო შემდეგ მოდიან ჟენევა, კოპენჰაგენი, ჰონკონგი და სეული.
როგორც ირკვევა, 2015 წლის რეიტინგში მოწინავე ათეულში პირველად აღმოჩნდა სამხრეთ კორეს დედაქალაქი, სადაც ცხოვრების ”ღირებულება” თითქმის იგივეა რაც ჰონკონგში.
EIU-ის აზრით, ის რაც ბოლო პერიოდში შვეიცარიულ ფრანკთან დაკავშირებით ხდება, შესაძლოა მალე ციურიხი და ჟენევა ცხოვრებისთვის ყველაზე ძვირადღირებული ქალაქების რეიტინგში უფრო დაწინაურდნენ.
თავად კვლევის შედგენისას EIU-მა სხვადასხვა ფაქტორებით იხელმძღვანელა, მათ შორის სამომხმარებლო კალათის ღირებულება, კვების პროდუქტების, სასმელების, ტანსაცმლის, ტრანსპორტის, დასვენების, განათლების,საცხოვრებელი ფართების ფასი და სხვა.
კვლევამ აჩვენა ისიც, რომ სინგაპური განსაკუთრებით ძვირია ტანსაცმლის შესაძენად. იმავდროულად სინგაპურში ტრანსპორტის ხარჯი 3-ჯერ მეტია ვიდრე ნიუ-იორკში.
სამაგიეროდ საკვები პროდუქტები ყველაზე ძვირია სეულში. მაგალითისათვის სეულში, სუპერმარკეტ Homeplus-ში 1 კგ მაკარონი საშუალოდ 4 დოლარი ღირს, ეს იმ ფონზე, როდესაც აშშ-ში Wal-Mart-ის ქსელში 1 კგ მაკარონი 2-ჯერ უფრო იაფია. შეეხება ევროპულ ქალაქებს, ციურიხს აქ ყველაზე ძვირია დასვენება და გართობა.
EIU-ს ინფორმაციით, ინდოეთის ქალაქები ცხოვრებისათვის ყველაზე იაფიანად ითვლება
