აშშ უკრაინის შესახებ მოლაპარაკებების პროცესიდან გავა, თუ მშვიდობის მიღწევის პროცესში პროგრესი არ იქნება. ამის შესახებ სახელმწიფო დეპარტამენტის წარმომადგენელმა ტემი ბრიუსმა განაცხადა.
„ახლა დადგა დრო ორივე მხარემ წარმოადგინოს წინადადებები, თუ როგორ დასრულდეს ეს კონფლიქტი [..] თუ პროგრესი არ იქნება, მაშინ ჩვენ, შუამავლები, გამოვალთ ამ პროცესიდან“, - განაცხადა მან ბრიფინგზე.
თუმცა, მან არ დააკონკრეტა, კონფლიქტის მოგვარების რა ვადებს დააწესებენ აშშ-ის პრეზიდენტი დონალდ ტრამპი და სახელმწიფო მდივანი მარკო რუბიო.
მან ასევე განაცხადა, რომ წინადადებები, რომლებიც ახლა უნდა იქნას მიღებული, უნდა ეხებოდეს სრულ და ხანგრძლივ ცეცხლის შეწყვეტას და კონფლიქტის დასრულებას.
