ინდოეთის პრემიერ-მინისტრმა ნარენდრა მოდიმ ქვეყნის შეიარაღებულ ძალებს პაკისტანის წინააღმდეგ საბრძოლო მოქმედებებში დამოუკიდებლად გადაწყვეტილებების მიღების უფლება მისცა. ამის შესახებ The Times of India წერს.
აღნიშნულია, რომ მან ეს გადაწყვეტილება თავდაცვისა და შეიარაღებული ძალების უწყებების ხელმძღვანელებთან შეხვედრის შემდეგ მიიღო.
„ჩვენი ეროვნული გადაწყვეტილებაა, ტერორიზმს გამანადგურებელი დარტყმა მივაყენოთ“, - განაცხადა მოდიმ.
მან ასევე გამოთქვა „სრული რწმენა და ნდობა“ ინდოეთის სამხედროების პროფესიონალიზმის მიმართ და კიდევ ერთხელ გამოხატა მთავრობის სრული მხარდაჭერა.
ამავდროულად, პაკისტანის პრემიერ-მინისტრმა შაჰბაზ შარიფმა გაერო-ს გენერალურ მდივანს ანტონიო გუტერეშს მოუწოდა, „ინდოეთს თავშეკავებისკენ ურჩიოს“.
გუტერეშმა ორ ქვეყანას შორის მზარდი დაძაბულობის გამო „ღრმა შეშფოთება“ გამოთქვა და ორივე მხარეს მოუწოდა „თავიდან აიცილონ კონფრონტაცია“.
გაერო-ს გენერალურმა მდივნის პრესმდივანმა სტეფან დიუჟარიკმა განაცხადა, რომ გუტერეში მზად არის დეესკალაციის მცდელობებში ჩაერთოს.
პარალელურად Clash Report-მა X-ზე გამოაქვეყნა ვიდეო, რომელშიც ისმის სროლისა და აფეთქებების მსგავსი ხმები. გავრცელებული ინფორმაციით, შორის ჯამუს შტატში, პარგვალ-ახნურის სექტორში, საერთაშორისო საზღვრის გასწვრივ, პაკისტანელ და ინდოელ ჯარისკაცებს შორის შეტაკებებია.
