"ალიანსი საქართველოსთვის" მერობის კანდიდატი ირაკლი ალასანია მერობის სახელისუფლებო კანდიდატს გიგი უგულავას პირდაპირ ეთერში დებატებში იწვევს.
ამის შესახებ ალასანიამ დღეს სასტუმრო "შერატონ მეტეხი პალასში" თბილისის მუნიციპალური ჯანდაცვის პროგრამის პრეზენტაციაზე განაცხადა.
"პირდაპირ მივმართავ სახელისუფლო კანდიდატს და ვიწვევ მას ნებისმიერ ეთერში დებატებში. მზად ვარ, გიგი უგულავას თითოეულ ამ საკითხთან დაკავშირებით დეტალურად ვესაუბრო; ვისაუბრო იმ ხარვეზების შესახებ, რაც დღეს დედაქალაქის და მუნიციპალური ჯანდაცვის სისტემაში არსებობს და რას ვთავაზობთ ჩვენ მოსახლეობას", - აღნიშნა ირაკლი ალასანიამ.
შეგახსენებთ, რომ სასტუმრო "ალიანსის" მერობის კანდიდატმა ირაკლი ალასანიამ დღეს "შერატონ მეტეხი პალასში" თბილისის მუნიციპალური ჯანდაცვის პროგრამის პრეზენტაცია გამართა. ასევე, ახლო მომავალში სოციალური და განათლების პროგრამის პრეზენტაციის გამართვაც იგეგმება.
