გასულ კვირას პარიზში მომხდარი ტერორისტული აქტების გამოძიების ფარგლებში, საფრანგეთის დედაქალაქის სხვადასხვა რაიონში 12 ეჭვმიტანილი დააკავეს.
მათ ტერორისტ ძმებ კუაშებთან და მათ თანამზრახველთან ამედი კულიბალისთან კავშირში სდებენ ბრალს.
დაკავებულთა შორის 9 მამაკაცი და 3 ქალია.
გამომძიებლები ვარაუდობენ, რომ ისინი შესაძლოა ტერორისტების ,,ლოჯისტიკური მხარდაჭერის" ჯგუფის წევრები იყვნენ, რომლებიც მათ იარაღითა და სატრანსპორტო საშუალებით უზრუნველყოფდნენ.
ფრანგი სამართალდამცავები ჩხრეკის სერიებს და რეიდებს პარიზის შემოგარენში, ფლიორი-მეროჟის, გრინის და ეპინე-სიურ-სენის რაიონებში ყოველდღიურად ატარებენ.
რეიდებს აგრძელებენ, ასევე, მონრუჟის რაიონში, სადაც ამედი კულიბალიმ პოლიციის თანამშრომელი მოკლა.
სამართალდამცავები ცდილობენ კულიბალის მეგობარი ქალის, ჰაიატ ბუმედიენის კვალზე გავიდნენ, რომელიც ამჟამად შესაძლოა სირიაში იმყოფებოდეს.