ფინინსთა მინისტრი ნოდარ ხადური უარყოფს ინფორმაციას წლიურად საგარეო ვაჭრობის შემცირებას 2%-ით და აღნიშნულს ტყუილს უწოდებს.
,,ტყუილია ბატონო, საგარეო ვაჭრობა გაზრდილია", _განაცხადა ნოდარ ხადურმა მთავრობის სხდომის შემდეგ.
შეგახსენებთ, რომ ,,საქსტატის" ინფორმაციით, 2014 წელს საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 11459 მლნ. აშშ დოლარი შეადგინა, რაც წინა წლის მაჩვენებელზე 5 პროცენტით მეტია. აქედან, ექსპორტი 2863 მლნ. აშშ დოლარი იყო (2 პროცენტით ნაკლები), ხოლო იმპორტი 8595 მლნ. აშშ დოლარი (7 პროცენტით მეტი). უარყოფითმა სავაჭრო ბალანსმა 2014 წელს 5732 მლნ. აშშ დოლარი და საგარეო სავაჭრო ბრუნვის 50 პროცენტი შეადგინა.
საქართველოს საგარეო ვაჭრობის დეტალური მაჩვენებლები გამოქვეყნდება მიმდინარე წლის 21 იანვარს.
