გაეროში საქართველოს ყოფილი წარმომადგენელმა კახა ლომაია, "ნიუ-იორკ ტაიმსში" დაბეჭდილ სტატიას ეხმაურება, რომელიც კოალიცია "ქართული ოცნების" მიერ ორი წლის განმავლობაში, ხელისუფლებაში ყოფნის პერიოდში განხორციელებულ რეფორმებსა და მიღწევებზეა საუბარი. სტატია "ქართული ოცნების მმართველი პარტია ეროვნულ ხედვას რეალობად აქცევს", გაზეთში სარეკლამო ადგილზეა განთავსებული და 8 გვერდს იკავებს.გარდა რეფორმებისა სტატიაში საუბარია, რომ 2012 წლის საპარლამენტო არჩევნების მოგების შემდეგ, "ქართულმა ოცნებამ პენსიები 50%-ით გაზარდა. "ნიუ-იორკ თაიმსი" განმარტავს, რომ დანართი მომზადებულია სარეკლამო სააგენტო "ჰედკოკ ენდ ასოსიეთსის" მიერ და მის მომზადებაში "ნიუ-იორკ ტაიმსის" თანამშრომლები არ მონაწილეობდნენ.
"ნიუ-იორკ ტაიმსის" მკითხველებს დღეს სიურპრიზი ელოდათ - 8 გვერდიანი სარეკლამო დანართი სათაურით "ქართული ოცნების მმართველი პარტია ეროვნულ ხედვას რეალობად აქცევს". დანართი მომზადებულია სარეკლამო სააგენტო "ჰედკოკ ენდ ასოსიეთსის" მიერ და მის მომზადებაში "ნიუ-იორკ ტაიმსის" თანამშრომლები არ მონაწილეობდნენ - გვაფრთხილებს გაზეთი. ამ ტიპის დანართების ეფექტურობა, გემოვნება და მათში გადახდილი ფასი, ცალკე საუბრის თემაა. ერთი თვალის გადავლებით, შემდეგ პასაჟს გადავაწყდი "2012 წლის საპარლამენტო არჩევნების მოგების შემდეგ, "ქართულმა ოცნებამ პენსიები 50%-ით გაზარდა..."-წერს კახა ლომაია "ფეისბუქის" საკუთარ გვერდზე.