დანიის პარლამენტმა (Folketinget) კენჭი უყარა ევროკავშირსა და საქართველოს, უკრაინასა და მოლდოვას შორის ასოცირების შესახებ შეთანხმების რატიფიცირებას. როგორც ,,ჯი-ეიჩ-ენს" საგარეო უწყებიდან აცნობეს დანიის სამეფოს პარლამენტში ასოცირების შეთანხმების რატიფიკაცია პროცესს ესწრებოდა საქართველოს საგანგებო და სრულუფლებიანი ელჩი ნიკოლოზ რთველიაშვილი.
პარლამენტის მიერ დოკუმენტის რატიფიკაცია საკუთარ Twitter გვერდზე გამოეხმაურა დანიის საგარეო საქმეთა მინისტრი მარტინ ლიდეგაარდი.
„ბედნიერი ვარ რომ დანიის სამეფოს პარლამენტმა სულ ახლახანს საქართველოს, უკრაინისა და მოდლვოვას ევროკავშირთან ასოცირების ხელშეკრულების რატიფიცირება მოახდინა. ეს მნიშვნელოვანი ნაბიჯია უფრო მჭიდრო თანამშრომლობისკენ" -აღნიშნავს დანიის საგარეო საქმეთა მინისტრი.
დანია 11-ე ქვეყანაა ევროკავშირის სახელმწიფოებიდან, რომელმაც უკვე მოახდინა ასოცირების შეთანხების რატიფიკაცია. (რუმინეთი, ბულგარეთი, ლიტვა, ლატვია, მალტა, სლოვაკეთი, ესტონეთი, უნგრეთი, შვედეთი, ხორვატია)
