საყდრისის გადარჩენის კომიტეტის წევრებმა მთავრობის ადმინისტრაციასთან აქცია გამართეს. აქციის მონაწილეები საყვირებით, ტრანსფარანტებით ,,ჭიკაიძე, თალიბანი არის ანთაძე!", ,,როცა მემკვიდრეობა გკიდია" იყვნენ მოსული და ხელისუფლებას კიდევ ერთხელ მოუწოდეს გადაარჩინოს საყდრისი.
აქციის მონაწილეებმა პრემიერი ირაკლი ღარიბაშვილის სახელზე მიმართვაც შეიტანეს.
,,დღეს შევიკრიბეთ კიდევ ერთხელ იმისთვის, რომ ხელისუფლებას მოვუწოდოთ შეაჩეროს მსოფლიოში უძველესი ოქროს საბადოს საყდრისის აფეთქება. შეგვაქვს მიმართვა პრემიერ-მინისტრის სახელზე, რომელსაც ხელს აწერენ სამოქალაქო საზოგადოების წევრები_სტუდენტები, არასამთავრობო ორგანიზაციები. როგორც წინა ხელისუფლებამ ვერ ჩამოირეცხა გირგვლიანის საქმე, საყდრის ვერ ჩამოირეცხავს ეს ხელისუფლება. თუმცა მათ კიდევ აქვთ შანსი საყდრისი გადაარჩინოთ", _განაცხადა ,,ჯი-ეიჩ-ენთან" საუბარში აქციის ერთ-ერთმა მონაწილემ სალომე ჭანტურიძემ.
