სანკტ-პეტერბურგში ქართველ ,,კანონიერი ქურდს," სოხუმში დაბადებულ ლაშა ბარათელს, ზედმეტსახელად ,,ჭიას" თავს რამდენიმე ნიღბიანი დაესხა და სასტიკად სცემა.
საინფორმაციო სააგენტო ,,პრაიმ კრაიმის" მიერ გავრცელებული ინფორმაციით, ამის შემდეგ, თავდამსხმელებმა მას სახე დანით დაუსახიჩრეს და დანით შეეხნენ მის ,,მამაკაცურ ღირსებასაც."
შემთხვევა 15 ნოემბერს, საღამოს საათებში მოხდა, როცა ერთ-ერთი სპორტკლუბიდან სახლში დაბრუნებული ბარათელი, ლენინის ქუჩაზე, თავისი ბინის სადარბაზოში შევიდა, სადაც მას 15-მდე ნიღბიანი პირი სდარაჯობდა.
დაჭრილი ქალაქის № 15 საავადმყოფოში გადაიყვანეს.
შემთხვევის შესახებ ოპერატიული ინფორმაციის მოძიებისას რუსეთის ფედერაციის სამართალდამცავებმა დაადგინეს, რომ ლაშა ბარათელი, იგივე ,,ჭია", როგოც ბანდიტური ჯგუფის წევრი, საქართველოს მხრიდან ინტერპოლით იძებნება.
რუსული საინფორმაციო სააგენტოების ცნობით, მომხდარი კრიმინალურ სტრუქტურებს შორის საქმის გარჩევებს უკავშირდება და ბარათელზე განხორციელებული თავდასხმაც შეიძლება ,,რიტუალურ ეკზეკუციად" ჩაითვალოს.