საფრანგეთის პოლიციამ ე. წ. ,,ქართული მაფიის" ათი წევრი დააკავა.
ფრანგული პოლიციის ცნობით, დაკავებული ბანდიტური ჯგუფის ანგარიშზე პარიზსა და სხვა ქალაქებში 120-მდე ქურდობა-ყაჩაღობის ფაქტია აღრიცხული.
მათ შორის რამდენიმე გერმანიის, ჰოლანდიისა და შვეიცარიის სამართალდამცავების მიერ ძებნილია.
შეგახსენებთ, დაახლოებით ერთი წლის წინ ფრანგულმა პოლიციამ დამნაშავეობრივი ჯგუფების დასაკავებლად მასშტაბური სპეცოპერაციები ჩაატარა, რომლის დროსაც ყოფილი საბჭოთა კავშირის ქვეყნებიდან 40-ზე მეტი ბოროტმოქმედი დააკავეს.
დაკავებულებს შორის საქართველოს რამდენიმე მოქალაქეც იყო.
მასალის გამოყენების პირობები
