დღეს, 25 სექტემბერს, პარლამენტის საფინანსო-საბიუჯეტო კომიტეტში განიხილავენ კანონპროექტს, რომლის მიხედვით, მაუწყებელში, რომლიც მაუწყებლობას ახორციელებს სახელმწიფო ენაზე, კანონმდებლობით დადგენილი წესით, აუცილებლობის შემთხვევაში, შეიძლება გამოყენებულ იქნეს არასახელმწიფო ენებიც, მაგრამ ტელე-და რადიომაუწყებლობის საეთერო დროის არაუმეტეს 10%-ისა. კანონპროექტი „სახელმწიფო ენის შესახებ" და „მაუწყებლის შესახებ" საქართველოს კანონში ცვლილების შეტანის თაობაზე" განათლების, მეცნიერებისა და კულტურის კომიტეტის მიერ საკანონმდებლო ინიციატივის წესითა წარდგენილი.
კანონპროექტის მიზანია, რომ „მაუწყებლობის შესახებ" კანონი შესაბამისობაში მოვიდეს „სახელმწიფო ენის შესახებ" საქართველოს კანონთან. კერძოდ, იმ მაუწყებელში, რომლიც მაუწყებლობას ახორციელებს სახელმწიფო ენაზე, კანონმდებლობით დადგენილი წესით, აუცილებლობის შემთხვევაში, შეიძლება გამოყენებულ იქნეს არასახელმწიფო ენებიც, მაგრამ ტელე-და რადიომაუწყებლობის საეთერო დროის არაუმეტეს 10%-ისა.
ასევე მაუწყებლის მიერ საჯარო გადაცემის მიზნით ნაჩვენები აუდიოვიზუალური პროდუქციის თარგმნისას და დუბლირებისას გამოყენებულ უნდა იქნეს სახელმწიფო ენა, გარდა კანონით გათვალისწინებული შემთხვევებისა. აგრეთვე სათანადო პროპორციით უნდა განთავსდეს უმცირესობის შესახებ და უმცირესობის მიერ მომზადებული პროგრამები."
