უკრაინის საგარეო საქმეთა მინისტრი ანდრიი სიბიჰა გასულ ღამეს რუსეთის მიერ უკრაინაზე მასირებულ შეტევას სოციალურ ქსელში ეხმიანება.
მისი თქმით, მსოფლიოში არავის სურს ამ ომის გაგრძელება, რუსეთის გარდა.
„რუსეთის მიერ ღამით განხორციელებული მასშტაბური თავდასხმის შედეგად, რომელშიც გამოყენებული იყო 450 დრონი და 45 რაკეტა, მათ შორის ბალისტიკური რაკეტები, სულ მცირე ორი ადამიანი დაიღუპა და სულ მცირე თერთმეტი დაიჭრა, მათ შორის ორი ბავშვი.
რუსებმა კიდევ ერთხელ შეუტიეს ადამიანების ყოველდღიურ ცხოვრებას.
მათ მოსახლეობას ელექტროენერგია, წყალი და გათბობა წაართვეს, გაანადგურეს კრიტიკულად მნიშვნელოვანი ინფრასტრუქტურა და დააზიანეს რკინიგზის ქსელები.
მსოფლიოში არავის სურს ამ ომის გაგრძელება, რუსეთის გარდა.
პუტინი აგრძელებს ტერორს, რადგან მას ჯერ კიდევ სჯერა, რომ შეუძლია გამარჯვება და თავიდან პასუხისმგებლობის აცილება ყველა ჩადენილი დანაშაულისთვის.
ამ ომის დასასრულებლად, ჩვენ გვჭირდება საკმარისი საერთაშორისო ზეწოლა, რათა პუტინი აიძულონ შეჩერდეს.
ომი დასრულდება მაშინ, როდესაც რუსეთს ენერგეტიკულ შემოსავლებს წავართმევთ, მის სამხედრო მანქანას შორი დისტანციის დარტყმებით შევასუსტებთ და პუტინს გავათავისუფლებთ ყოველგვარი ილუზიისგან, რომ მისი ტერორი მას სპეციალური ტრიბუნალის ბრალდების გარდა სხვაგან არსად მიიყვანს“, - წერს სიბიჰა.
