ოკუპირებულ აფხაზეთში ე.წ. ადგილობრივი თვითმმართველობის არჩევნები მიმდინარეობს.
"ეხო კავკაზას" ინფორმაციით, "საარჩევნო უბნები" ადგილობრივი დროით დილის 8:00 საათზე გაიხსნა.
როგორც იუწყებიან, სოხუმის და კიდევ შვიდი რაიონის "საკრებულოს" დეპუტატობის კანდიდატებად სულ 288 ადამიანია წარდგენილი.
"არჩევნები" არ ტარდება ოჩამჩირის ერთ-ერთ "საარჩევნო ოლქში", რადგან გადადებულია 6 დეკემბრამდე. მიზეზი არ არის ცნობილი.
"წინასაარჩევნო" პერიოდი დაძაბული იყო. ე.წ. ოპოზიცია ე.წ. მთავრობას ხმების მოსყიდვასა და კენჭისყრაში უცხოელი სპეციალისტების ჩარევაში ადანაშაულებდა.
"არჩევნებამდე" გავრცელდა ინფორმაცია, რომ რუსი პოლიტიკური ანალიტოკისები, რომლებიც "მთავრობის" მომხრე კანდიდატებს ეხმარებოდნენ, აფხაზეთიდან გააძევეს.
