საგარეო სამქმეთა მინისტრის მოადგილის დავით ზალკალიანის განცხადებით, სენატის მიერ მიღებული კანონპროექტი კიდევ ერთი გამოხატულება აშშ-ის როგორც სტრატეგიული პარტნიორის ჩვენი ქვეყნისადმი. ზალკალიანმა მთავრობის სხდომის დაწყებამდე იმედი გამოთქვა, რომ კანონპროექტი საბოლოო დამტკიცებამდე შესაბამის პროცედურებს დროულად გაივლის.
,,ეს არის კიდევ ერთი გამოხატულება აშშ-ის როგორც სტრატეგიული პარტნიორის ჩვენი ქვეყნისადმი განსაკუთრებული ინტერესის. იმისთვის, რომ ამ რეზოლუციამ საბოლოო სახე შეიძინოს საკმაო პროცედურებია გასატარებელი, უნდა გავიდეს წარმომადგენლობით პალატაში, შემდეგ ისევ სენატში დაბრუნდეს, გადაიგზავნოს პრეზიდენტის ადმინისტრაციასი და მხოლოდ პრეზიდენტის მიერ ხელმოწერის შემდეგ გახდება იგი სავალდებულო. Mმაგრამ, დარწმუნებული ვარ, გამომდინარე იქიდან რა დიდი მნიშვნელობას ანიჭებს ამერიკა აღმოსავლეთ ევროპის რეგიონთან უკრაინა, მოლდოვასთან და საქართველოსთან ურთიერთობას ეს პროცესი დროულად შესრულებული იქნება", _განაცხადა ზალკალიანმა.
სენატის საგარეო ურთიერთობათა კომიტეტმა საქართველოს, უკრაინის და მოლდოვის შესახებ კანონპროექტი დაამტკიცა, რომელიც ამ ქვეყნებს აღიარებს როგორც ამერიკის არა ნატოს წევრ, მთავარ მოკავშირეებს.
კანონპროექტის საბოლოო დამტკიცების შემდეგ ამერიკის მთავრობის ადამინისტრაციას საშუალება ექნება, რომ რუსულ სამხედრო და ენერგოკომპანიებს ახალი სანქციები დაუწესოს და უკრაინას სამხედრო დამხარება გაუწიოს.
კანონპროექტი ახლა კონგრესის წარმომადგენლობით პალატაში უნდა დაამტკიცონ.
კანონპროექტი ასევე ითვალისწინებს უკრაინისათვის თავდაცვითი იარაღის მიწოდებას, მათ შორის - ტანკსაწინააღმდეგო, ჯგუფური იარაღისა და ამუნიციის. ასევე, რადიოლოკაციური სისტემების მიწოდებას მოწინააღმდეგის პოზიციების გამოსავლენად.
გათვალისწინებულია უპილოტო მზვერავი თვითმფრინავებისა და კავშირგაბმულობის სისტემების მიწოდებაც. ამისათვის აშშ-ს ბიუჯეტიდან 2015 წლისათვის 350 მილიონი აშშ დოლარის გამოყოფა იგეგმება.
დოკუმენტით ასევე გათვალისწინებულია, აშშ-ს მთავრობის მიერ 10 მილიონი აშშ დოლარის გამოყოფა მომდევნო სამი წლის განმავლობაში რუსული პროპაგანდისათვის წინააღმდეგობის გასაწევად ყოფილი საბჭოთა კავშირის ქვეყნებისათვის.
