ისრაელის შს მინისტრი გიდეონ საარი მიიჩნევს, რომ საქართველოს პრემიერ-მინისტრი ირაკლი ღარიბაშვილი ერთ-ერთი ყველაზე ბრძენი და პრაგმატული ლიდერია, რომელსაც ოდესმე შეხვედრია. როგორც ისრაელის საელჩოში გამართულ პრესკონფერენციაზე ისრაელის შინაგან საქმეთა მინისტრმა განაცხადა ღარიბაშვილს ახასიათებს ყველა ის თვისება, რაც საჭიროა ლიდერისთვის.
"მე ვიყავი ორი პრემიერ-მინისტრის, შარონისა და ნეთანიაჰუს კაბინეტის მდივანი. ასევე, ვიყავი ორი მთავრობის წევრი. მინდა, გითხრათ, რომ ბატონი ღარიბაშვილი არის ერთ-ერთი ყველაზე ბრძენი და პრაგმატული ლიდერი, რომელსაც ოდესმე შევხვედრილვარ. ეროვნული უსაფრთხოების შენარჩუნება და დაცვა საკუთარ ქვეყანაში არის ძალიან რთული რამ, მოითხოვს დიდ სიბრძნესა და პასუხისმგებლობას, რაც არაერთხელ შემიმჩნევია ბატონი ღარიბაშვილისთვის. ჩვენი ქვეყნების ლიდერობა ისრაელისა და საქართველოსთვის დიდი ტვირთია, უნდა გავუფრთხილდეთ ჩვენს უძველეს, თუმცა არა უდიდეს ერებს და ეს არის დიდი პასუხისმგებლობა", - განაცხადა გიდეონ საარმა.
შეგახსენებთ, რომ ისრაელის შს მინისტრი საქართველოს გუშინ, 24 აპრილს ესტუმრა.
