შსს-ს ცენტრალური კრიმინალური პოლციის აჭარის სამმართველოს თანამშრომლებმა, ოპერატიული ინფორმაციის საფუძველზე ჩატარებული სამძებრო და საგამოძიებო მოქმედებების შედეგად, 1976 წელს დაბადებული გიგო ძ. ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ბრალდებით დააკავეს.
სამართალდამცველებმა ბათუმში, ბრალდებულის საცხოვრებელი სახლის ჩხრეკისას „კალაშნიკოვი"-ს კონსტრუქციის 2 ავტომატური ცეცხლსასროლი იარაღი 2 მჭიდითა და 30 საბრძოლო ვაზნით, ასევე, 5 ხელყუმბარა და 5 ფალია ამოიღეს.
ბრალდებული აღიარებს ჩადენილ დანაშაულს.
გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ბრალდებით მიმდინარეობს (საქართველოს სსკ-ის 236-ე მუხლის 1-ლი ნაწილით).
