,,ქართველი მოსამართლეები უნდა შეფასდნენ იქამდე, ვიდრე ადამიანების ბედს გადაწყვეტენ", _ამის შესახებ, იუსტიციის მინისტრმა თეა წულუკიანმა ,,შერატონ მეტეხი პალასში " ჟურნალისტებთან განაცხადა სადაც მოსამართლეთა უვადო დანიშვნის, გამოსაცდელი ვადის, მონიტორინგისა და შეფასების საკითხზე საერთაშორისო კონფერენცია მიმდინარეობს.
წულუკიანის განმარტებით, იუსტიციის სამინისტრო აგრძელებს მუშაობას იმისთვის, რომ შეიქმნას სწორი, გამართული სისტემა, რომელიც მოქალაქეებს მისცემს ისეთ სასამართლო გადაწყვეტილებებს, რომლებსაც საზოგადოება ენდობა.
" დღეს ჩვენ მოვიწვიეთ მოსამართლეების საერთაშორისო კონფერენცია. შვიდი ქვეყნის უცხოელი მოსამართლეები გახლავთ ჩამოსული იმისთვის, რომ დიალოგი შედგეს მათსა და ჩვენს მოსამართლეებს შორის ერთ ძალიან მნიშვნელოვან თემაზე - ეს გახლავთ მოსამართლეების 3 წლიანი გამოსაცდელი ვადა, ვიდრე ისინი თავიანთ პოზიციაზე დაინიშნებიან სამუდამოდ", - განაცხადა წულუკიანმა.
