თეთრი სახლი რეგიონში მყოფ მოთამაშეებს მოუწოდებს პატივი სცენ უკრაინის ტერიტორიულ მთლიანობასა და სუვერენიტეტს. თეთრი სახლის მიერ გავრცელებულ განცხადებაში, ასევე არის მოწოდება შეწყდეს პროვოკაციული განცხადებები და ქმედებები. განცხადება ამის შესახებ უკრაინაში აშშ-ს საელჩოს ოფიციალურ გვერდზეა გამოქვეყნებული.
განცხადებაში აღნიშნულია, რომ აშშ გადამწყვეტად მხარს უჭერს უკრაინელი ლიდერების მიმდინარე საქმიანობას, რომელიც მიმართულია მრავალპარტიული მთავრობის ჩამოყალიბებისკენ, რომელიც მთელი უკრაინელი ხალხის წარმომადგენელი იქნება.
„მოვუწოდებთ უკრაინის ლიდერებს გააკეთონ ყველაფერი შესაძლებელი ყველა მოქალაქის უფლებების დაცვისათვის, მათ შორის უმცირესობების დაცვისათვის, იმისათვის რათა კიდევ ერთხელ დაადასტუროს თავისი საერთაშორისო ვალდებულება და თავიდან აიცილოს ის ნაბიჯები, რომლებმაც შესაძლოა ქვეყნის გაყოფა გამოიწვიოს.
მოვუწოდებთ საგარეო მოთამაშეებს რეგიონში პატივი სცენ უკრაინის სუვერენიტეტსა და ტერიტორიულ მთლიანობას. შეწყვიტონ პროვოკაციული განცხადებები და მოქმედებები", _ ნათქვამია განცხადებაში.
