ვიქტორ იანუკოვიჩი, რომელიც კვალვინდებურად უკრაინის პრეზიდენტად მიიჩნევს თავს, რუსეთს თავისი უსაფრთხოების უზრუნველყოფას სთხოვს. იანუკოვიჩის განცხადებას რუსული მედია აქვეყნებს. განცხადებაში იანუკოვიჩი უკრაინის უმაღლესი რადას მიერ მიღებულ გადაწყვტილებებს არალეგიტიმურს უწოდებს.
იგი გამოდის მოწოდებით „უკრაინაში შექმნილი სიტუაცია სამართლებრივ ჩარჩოში დაბრუნდეს" და თავს კვლავ უკრაინის პრეზიდენტს უწოდებს.
განცხადებაში იანუკოვიჩი აღნიშნავს, რომ აღმოსავლეთ უკრაინისა და ყირიმის მცხოვრებლები ასევე არ აღიარებენ ქვეყანაში შექმნილ ვითრებას ხელისუფლების გარეშე და განუკითხაობას".
„მე როგორც მოქმედი პრეზიდენტი, ნებას არ ვრთავდი უკრაინის შეიარაღებულ ძალებს ჩარეულიყვნენ უკრაინაში შექმნილ შიდაპოლიტიკურ სიტუაციაში, ამავე მოწოდებით გამოვდივარ ახლაც",_ ნათქვამია იანუკოვიჩის განცხადებაში.
მისივე თქმით, რეგიონების პარტიის ზოგიერთი წევრი მათზე განხორციელებული ზეწოლის გამო იძულებულნი იყვნენ უკრაინა დაეტოვებინათ. ამასთან ერთად იანუკოვიჩმა გვარები არ დაასახელა და არც ის დააზუსდა სად იმყოფება თავად ის.