საქართველოში ბანანის მოხმარება იზრდება. სტატისტიკური ინფორმაციის მიხედვით ირკვევა, რომ საქართველოში ბანანის იმპორტი გაზრდილია და 2013 წელს 2012 წელთან შედარებით ქვეყანაში 26 %-ით მეტი ბანანია შემოსული.
„საქსტატის" ინფორმაციით, 2013 წელს საქართველოში 15,230.7 ტონა ბანანის იმპორტი განხორციელდა, მაშინ როდესაც 2012 წელს იმპორტირებული ბანანის მოცულობამ 12,115.8 ტონა შეადგინა.
საქართველოსთვის ბანანის ნომერ პირველი იმპორტიორი ქვეყანა ეკვადორია. საიდანაც 2013 წელს საქართველოში 10,599.6 ტონა ბანანი შემოვიდა. თუმცა უნდა აღინიშნოს ისიც, რომ მიუხედავად იმისა, რომ 2013 წელს ქვეყანაში ბანანის იმპორტი გაზრდილია, 2013 წელს 2012 წელთან შედარებიდან ეკვადორიდან იმპორტირებული ბანანის მოცულობა შემცირებულია. 2012 წელს ეკვადორიდან სულ 11,139.4 ტონა ბანანია შემოტანილი. აღსანიშნავია, რომ ეკვადორის შემდეგ საქართველოსთვის ბანანის იმპორტიორი ქვეყნების რეიტინგში მერე ადგილზე თურქეთია, საიდანაც ქვეყანაში 2,507.9 ტონა ბანანი შემოვიდა. თურქეთის შემდეგ იმპორტის მხრივ კი კოსტარიკა და პანამა მოდიან.
სტატისტიკური ინფორმაციის მიხედვით, 2013 წელს საქართველოში 18 მლნ 335 ათას 200 დოლარის ბანანის იმპორტი განხორციელდა.
