დღეს, 25 თებერვალს აჭარის ა/რ ჯანმრთელობისა და სოციალური დაცვის მინისტრის მოადგილე ლევან გორგილაძე, „წითელი ჯვრის" ბათუმის ორგანიზაციის ხელმძღვანელი ოთარ დავითაძე და შპს „აჭარ ლაზური"-ს წარმომადგენლები ბარცხანაში, ლორთქიფანიძის ქუჩის N42 ა-ში მცხოვრებ შენგელიებს ოჯახს ეწვევიან და სამ ტყუპს, 1 წლისა და 2 თვის ნინის, ლიკას და ანდრიას მოინახულებენ. შენგელიების ოჯახს 6 თვის განმავლობაში ბავშვთა კვების პროდუქტებით და ჰიგიენური საშუალებებით შპს „აჭარ ლაზური" მოამარაგებს. მანამდე პატარებს ბავშვთა კვების პროდუქტებით კომპანია „ჰუმანა" უზრუნველყოფდა. შენგელიების ოჯახმა თავდაპირველად აჭარის ჯანდაცვის სამინისტროს დახმარების თხოვნით გასულ წელს მომართა. მაშინ უწყების დახმარებით ბავშვების კვებაზე პასუხისმგებლობა „ჰუმანამ" აიღო, ამჯერად „წითელი ჯვრის" ხელშეწყობით ოჯახზე დახმარების სირვილი „აჭარ ლაზურ"-მა გამოთქვა.
მასალის გამოყენების პირობები