პარლამენტის თავმჯდომარე დავით უსუფაშვილი საქართველოს პრემიერ-მინისტრის ირაკლი ღარიბაშვილისა და აშშ-ის პრეზიდენტ ბარაკ ობამას შეხვედრას მნიშვნელოვან მოვლენად მიიჩნევს. როგორც საკითხის კომენტირებისას უსუფაშვილმა განაცხადა კიდევ ერთხელ დადასტურდა, რომ აშშ-ის პოზიცია საქართველოსთან მიმართებაში უცვლელი რჩება.
,, გუშინ ძალიან მნიშვნელოვანი მოვლენა იყო საქართველო-აშშ-ის ურთიერთობაში. კიდევ ერთხელ ხაზი გაესვა ჩვენს ქვეყნებს შორის სტრატეგიული თანამშრომლობის არა მხოლოდ მნიშვნელობას, არამედ ახალ ეტაპზე გადაყვანს. საქართველომ მოახერხა არა მხოლოდ შენარჩუნება აშშ-თან ძალიან მჭიდრო და სტრატეგიული, მეგობრული ურთიერთობის, არამედ მისი უფრო გაღღმავება ბოლო წელიწადნახევრის განმავლობაში. გუშინდელი მოვლენა ამის დემონსტრირება იყო. ეს გვაძლევს იმის გარანტიას, რომ აშშ თავის ურყევ აპოზიციაზე რჩება საქართველოსთან მიმართებაში და მიუხედავად იმისა, რა ხდება მსოფლიოში, ჩვენს გეოპოლიტიკურ გარემოში, ჩვენს სამეზობლოში აშშ-ის პოზიცია საქართველოსთან მიმართებაში უცვლელი რჩება", _განაცხადა უსუფაშვილმა.
