თუ ყირიმის პარლამენტი ან ნახევარკუნძულის მცხოვრებლები განაცხადებენ სურვილს რუსეთთან მიერთების შესახებ, რუსეთში ამ ინიციატივას შეისწავლიან.
„რუსეთს სურს უკრაინის ტერიტორიული მთლიანობის შენარჩუნება, თუმცა ამასთან ერთად თუ ყირიმი მიიღებს გადაწყვეტილებას რუსეთთან მიერთების შესახებ, რუსეთი მზადაა ეს ინიციატივა განიხილოს",_ ეს განცხადება სიმფეროპოლში, რუსეთის დუმის დეპუტატმა, დსთ-ს საქმების, ევრაზიის ინტეგრაციისა და თანამემამულეებთან კავშირის კომიტეტის ხელმძღვანელმა ლეონიდ სლუცკიმ გააკეთა. ინფორმაციას ამის შესახებ უკრაინული მედია ავრცელებს.
მისივე თქმით, რაც შეეხება მთლიანობაში „ჩვენს ხედვას უკრაინაში არსებულ სიტუაციაზე - ჩვენ უკრაინის მთლიანობის შენარჩუნება გვსუსრ და ჩვენ იმედ ვიტოვებთ, რომ დღეს ეს რეალურია",_განაცხადა სლუცკიმ.
თუმცა მისივე თქმით, თუ ის ტენდენციები, რომლებიც არის კიევში გაგრძელდება და შენარჩუნებული იქნება და ყირიმის პარლამენტი და მოსახლეობა რეფერენდუმზე გადაწყვეტენ, რომ მათ რუსეთთან მიერთება სურთ - რუსეთი ამ გადაწყვეტილებას შეისწავლის.
„ჩვენ შევისწავლით ამ სიტუაციას, თან საკმაოდ სწრაფად და ალბათ ჩვენ შევძლებთ ვიპოვოთ საღი აზრი და პრაქტიკული ნაბიკები მისი რეალიზაციისათვის", _ განაცხადა სლუცკიმ.