უშიშროების საბჭოს ყოფილი მდივნის გიგა ბოკერიას განცხადებით, მინიშვნელოვანია, რომ აშშ-ის პრეზიდენტმა ბარაკ ობამა უკრაინაში განვითარებული პროცესებისა და იმ ფონზე, როცა რუსეთი კვლავ აგრძელებს საოკუპაციო ხაზის გადმოწევას ჩვენი ტერიტორიის სიღრმეში კიდევ ერთხელ დააფიქსირა მხარდაჭერა საქართველოს სუვერენიტეტისადმი.
,, პრეზიდენტ ობამას ძალიან მადლობელი ვართ, რომ ასეთ მომენტში როდესაც რუსეთის ფედერაცია კვლავ წევს საოკუპაციო ხაზს ჩვენი ტერიტორიის სიღრმეში, უკრაინის მოვლენების ფონზე კიდევ ერთხელ მკაფიოდ დააფიქსირა მხარდაჭერა საქართველოს სუვერენიტეტის. იმედი მაქვს, რომ პრემიერ-მინისტრი ირაკლი ღარიბაშვილი ამ შეხვედრისთვის უკეთ მომზადებული იყო, ვიდრე მიუნხენის კონფერენციაზე. ჩვენ გვაინტერესებს კონკრეტიკა შეხვედრაზე რა საკითხები დასვა და იმედი გვაქვს მოვისმენთ", _განაცხადა ბოკერიამ.
