კონფლიქტების და მოლაპარაკებების საერთაშორისო კვლევითი ცენტრის, მრავალარხიანი დიპლომატიის ინსტიტუტი-საქართველოს, საქართველოს მწვანეთა მოძრაობისა და ლიდერთა სკოლის ორგანიზებით კონფერენცია `მესამე ინდუსტრიული რევოლუცია და ახალი ენერგო რეჟიმი~ გაიმართა.
კონფერენციაზე ასევე გაიმართა ,,კოალიცია სტრატეგიული ცენტრის პრეზენტაცია", სადაც სხვადასხვა ეკოლოგიური პრობლემებისა და ახალი პროექტების შექმნაზე ისაუბრეს. როგორც კონფლიქტებისა და მოლაპარაკებების საერთაშორისო კვლევითი ცენტრის აღმასრულებელი დირექტორი მაია კაციტაძე აცხადებს ალტერნატიული მწვანე პროექტების წყალობითაა შესაძლებელი ეკოლოგიური კატასტროფების გარეშე სტაბილური ეკონომიკური განვითარება.
,,XXI საუკუნეს თავისი მოთხოვნები აქვს და ცივილიზებული სამყარო ცდილობს ამ მოთხოვნებს უპასუხოს: როგორი იქნება მსოფლიო 20 წლის შემდეგ? და რა ეკონომიკური გამოწვევების წინაშე ვდგავართ? ამ კითხვებზე პასუხი ქვეყნის მდგრადი განვითარებისთვის აუცილებელი წინაპირობაა. სამწუხაროა, მაგრამ ფაქტია, რომ დღეს ჩვენ გასული საუკუნეების ტექნოლოგიებით ვხელმძღვანელობთ და ჩვენი ეკოლოგიური მდგომარეობაც დღითიდღე კატასტროფულ ნიშნულს უახლოვდება, და უფრო მეტიც, რიგ შემთხვევაში, მიგვაჩნია, რომ ამ ტექნოლოგიებს ალტერნატივა არ აქვს. სინამდვილეში სწორედ ალტერნატიული მწვანე პროექტების წყალობითაა შესაძლებელი ეკოლოგიური კატასტროფების გარეშე სტაბილური ეკონომიკური განვითარება, რაც ევროპის ქვეყნების მიერ უკვე გაზიარებული და დამტკიცებულია. კარგია, რომ დღეს საქართველოშიც დავიწყეთ საუბარი მსგავს პროექტებზე, თუმცა ვთანხმდებით იმაზეც, რომ მხოლოდ საექსპერტო საუბრები ეკოლოგიურ ფონს ვერ გამოასწორებს და ნებისმიერი მოქალაქის გასაგებ და მისაღებ ენაზე ინფორმირება მთავარ ამოცანად რჩება. ამ მიმართულებით საინტერესო ღონისძიებების განხორციელებას ვგეგმავთ და ვიმედოვნებთ, რომ ახალი აზროვნება პოზიტიურ რევოლუციურ ცვლილებებს მოგვიტანს",. _განაცხადა კონფლიქტებისა და მოლაპარაკებების საერთაშორისო კვლევითი ცენტრის აღმასრულებელმა დირექტორმა მაია კაციტაძემ.
კონფერენციას ასევე სხვადასხვა საერთაშორისო ორგანიზაციის წარმომადგენლები და ექსპერტები დაესწრნენ.
