,,მადლობა უფალს და მამა გაბრიელს ამ დიდი წყალობისთვის", _ბრძანა უწმინდესმა და უნეტარესმა სრულიად საქართველოს კათოლიკოს პატრიარქმა ილია მეორემ სამების საკათედრო ტაძარში ქადაგებისას.
,,დღეს რაც ხდება საქართველოში, ეს არის ბედნიერება. ეს არის ერისა და ქვეყნის გაბრწყინება, ეს არის სულიწმინდის მოსვლა და ეს არის ჩვენი ფერისცვალება, ეს არის ის მდგომარეობა, როცა კეთილი მეფობს და ბოროტება განიდევნება, ეს არის შენდობა, ურთიერთსიყვარული, ბედნიერება და გაბრწყინება და ეს ყველაფერი მამა გაბრიელმა მოგვიტანა. ერთმა ადამიანმა შეცვალა საქართველო. მადლობა უფალს და მამა გაბრიელს ამ დიდი წყალობისთვის. ეს არის ნიშანი საქართველოს გადარჩენის, საქართველოს ბედნიერი მომავლის. დღეს მთელ საქართველოს ლოცავს მამა გაბრიელი, რათა უფალმა ძალა ერს თვისას ძალა მისცეს, უფალმა აკურთხოს ერი თვისი მშვიდობით. ყველას გილოცავთ ამ ბედნიერ დღეებს. ამ ზეიმში მიწიერი და ზეციური საქართველო გამთლიანდა. ღმერთმა დაგლოცოთ თქვენ და საქართველო", - ბრძანა უწმინდესმა, სამების საკათედრო ტაძარში, სადაც მამა გაბრიელის წმინდა ნაწილების გადმოსვენებასთან დაკავშირებით პარაკლისი მიმდინარეობს.
