დღეიდან 2 მარტის ჩათვლით სუპერმარკეტების ქსელი „სმარტი" წინასააღდგომო მარხვის „ყველიერის" კვირაში ერთგულ მომხმარებელს ყველის ევროპულ ასორტიმენტზე 10% ფასდაკლებას სთავაზობს. აღდგომის ბრწყინვალე დღესასწაულისთვის მზადება მარხვით იწყება, შესაბამისად სუპერმარკეტი „სმარტი" დიდმარხვას სამარხვო პროდუქტების ფართო არჩევანით და სპეციალური შეთავაზებებით ხვდება.
„აღდგომის ბრწყინვალე დღესასწაულისთვის მზადება დაიწყო და „სმარტი" მზად არის არა მხოლოდ დიდი მარხვის დროს შესთავაზოს მომხმარებელს სამარხვო პროდუქტების ფართო არჩევანი, არამედ აღდგომის დღესასწაულსაც უამრავი სიურპრიზითა და სიახლით შეხვდეს. დიდმარხვის „ყველიერის კვირაში" გაუდას, მასკარპონეს, სხვადასხვა სახეობის მდნარი ყველის ევროპულ ასორტიმენტზე 10% ფასდაკლება, ვფიქრობთ მიმზიდველი შეთავაზებაა მომხმარებლისთვის", - აცხადებენ „სმარტში".
„სმარტის" საკონდიტროს სამარხვო ღვეზელებისა და სხვა საკონდიტრო ნაწარმის ფართო არჩევანი, 400 სახეობის ხილი და ბოსტნეული, ათეულობით დასახელების მზა სამარხვო კერძი, ნახევარფაბრიკატები და სხვა სამარხვო პროდუქტი მორწმუნეებს აღდგომის დიდმარხვის 48 დღეს არჩევანს გაუადვილებს. დიდმარხვის პერიოდში ორი უდიდესი დღესასწაული - ხარება და ბზობა აღინიშნება, რა დროსაც მორწმუნეებს თევზის მიღება შეუძლიათ. „სმარტში" თევზეულისა და ზღვის პროდუქტებს 300-ამდე სახეობა იყიდება. მართმადიდებელი ეკლესია აღდგომის ბრწყინვალე დღესასწაულს წელს 20 აპრილს აღნიშნავს.
„სმარტი" გამორჩეულია ბაზარზე უმაღლესი ხარისხის პროდუქტის ფართო არჩევანითა და მომსახურების ევროპული სტანდარტებით. დღესდღეობით „სმარტს" 20-მდე ექსკლუზიური კონტრაქტი აქვს ევროპელ მომწოდებლებთან. ვისოლ ჯგუფმა „სმარტის" ქსელის განვითარება 2010 წელს დაიწყო. „სმარტის" სუპერმარკეტები დღესდღეობით წარმატებით ფუნქციონირებს აღმაშენებლის ხეივნის მე-13 კილომეტრზე, რუსთაველის გამზირზე, ვაზისუბნის მეორე მიკრორაიონში, კახეთის გზატკეცილზე, გუდაურში, ბათუმში, ზუგდიდში, მარნეულში, ახალციხეში, ყვარელსა და ჩქაროსნული ავტომაგისტრალის გორის მონაკვეთზე.