დღეს, 24 თებერვალს 12:00 საათზე სვეტიცხოვლის საკათედრო ტაძრიდან მამა გაბრიელის წმინდა ნაწილებს გამოაბრძანებენ და სამების საკათედრო ტაძარში დააბრძანებენ.
მამა გაბრიელის წმინდა ნაწილები ტაძარში, ერთი კვირის მანძილზე იქნება და მრევლს საშუალება ექნება პატივი მიაგოს მას. ამის შემდეგ კი მამა გაბრიელს სამთავროს ფერისცვალების ტაძარში დაკრძალავენ.
შეგახსენებთ, რომ მამა გაბრიელის საფლავი 22 თებერვალს გაიხსნა.