,,მამა გაბრიელი, მისი უწმინდესობაც ამ უღმერთობის ჟამს ჯვარზეა გაკრული და მისი ლოცვით დიდი სულიერი აღმავლობა ხდება", _ამის შესახებ მეუფე დანიელმა სვეტიცხოველში ქადაგებისას ბრძანა.
მისივე თქმით, მამა გაბრიელში ხედავთ, რომ საქართველოს ეკლესია ცოცხალია, მადლმოსილია, იგი კიდევ უფრო ძლიერდება.
,,ჩვენ ვხედავთ მამა გაბრიელში, რომ საქართველოს ეკლესია ცოცხალია, მადლმოსილია, იგი კიდევ უფრო ძლიერდება და ასეთივე მაგალითს ჩვენ ვხედავთ მისი უწმინდესობის ცხოვრებაში. როგორც მამა გაბრიელი, მისი უწმინდესობაც ამ უღმერთობის ჟამს ჯვარზეა გაკრული და მისი ლოცვით დიდი სულიერი აღმავლობა ხდება. შეიძლება ითქვას, ეს ორი მნათობი ჰყავს დღეს საქართველოს და ღმერთმა მათი ლოცვით, სულიერად გაჯანსაღებული, გაძლიერებული და ასევე ტერიტორიულად გამთლიანებული ჩვენი ქვეყანა გვანახოს. ეს აუცილებლად მოხდება თუკი ჩვენ ყველანი იმ მოძღვრებას მივყვებით, რასაც ისინი გვიქადაგებენ, ეს არის ჭეშმარიტი ქრისტიანული სარწმუნოება", - ბრძანა მეუფე დანიელმა.