საქართველოს მასშტაბით, თვის ბოლომდე არამდგრადი ამინდი შენარჩუნდება. როგორც ,,ჯი-ეიჩ-ენთან" საუბარში სინოპტიკოსმა ნაირა მანველიშვილმა განაცხადა, ამაღამ აღმოსავლეთ საქართველოში თოვლი და ნისლია მოსალოდნელი.
,, აღმოსავლეთ საქართველოს ზოგიერთ რეგიონში ამაღამ და დილის საათებში, თოვლსა და ნისლს ველოდებით. ხოლო ხვალ დღის მეორე ნახევრიდან გამოდარებას, ტემპერატურაც შედარებით მომატებს და ჰაერი 9 გრადუსამდე გათბება", _განაცხადა ,,ჯი-ეიჩ-ენთან" საუბარში ნაირა მანველიშვილმა.
მისივე განმარტებით, მომდევნო 2-3 დღის განმავლობაში დასავლეთ საქართველოში უნალექო ამინდი შენარჩუნდება.
,,მომდევნო დღეების განმავლობაში დასავლეთ საქართველოში უნალექო ამინდი შენარჩუნდება და იქროლებს ძლიერი ქარი 20-25 მ/წმ-ში. ჰაერი კი 20-22 გრადუსამდე გათბება", _განაცხადა მანველიშვილმა.
მანველიშვილის განმარტებით, 26 თებერვლიდან ამინდი კვლავ გაუარესდება და თვის ბოლომდე საქართველოს მთელს ტერიტორიაზე არამდგრადი ამინდი შენარჩუნდება.