„როსსტატის" მიერ გამოქვეყნებული მაკრო-ეკონომიკური ინდიკატორების თანახმად, რუსეთში 2014 წლის იანვარში ინვესტიცია, 2013 წლის იანვართან შედარებით, 7 %-ით შემცირდა და 2010 წლის იანვრის, ანუ ბოლო პერიოდის ცუდ მაჩვენებელს გაუტოლდა.
იმავდროულად, მოსახლეობის რეალურმა შემოსავალმა 1,5 %-ით იკლო, რაც ასევე 2009 წლის მაჩვენებლია. იანვარში შემცირდა ასევე მშპ-ს ზრდის ტემპიც. ანალიტიკოსები მიმდინარე წლის იანვრის მაჩვენებელს 2008-2009-2010 წლის მაჩვენებლებს ადარებენ, თუმცა აღნიშნავენ, რომ იმ პერიოდისთვის ეკონომიკას აღდგენის ტენდენცია ქონდა, ამჟამად კი არსებული ვითარება ფაქტობრივად ეკონომიკური ვარდნაა. აღსანიშნავია ისიც, რომ ბანკებმა იანვარში დაკრედიტების შემცირება დაიწყეს და იმავე დროს ამკაცრებენ კრედიტების გაცემის პირობებს.
